Kuv yuav tso npe kawm CPR li cas?
Rau rau Humboldt Bay Fire tau ntawm (707) 441-4000. Txhawm rau muab kev paub ntxiv hais txog peb cov chav kawm
CPR, nias rau ntawm no.
Kuv yuav ua li cas rau cov qub roj tsheb/roj/xim uas kuv tsis xav tau lawm?
Hu rau Tus Xov Tooj Muab Kev Pab Tej Khoom Pov Tseg Uas Phom Sij Rau Cuab Yim Neeg tau ntawm (707) 441-2005 los sis yog Humboldt Feem Xyuas Hauj Lwm Ua Kom Muaj Kev Noj Qab Haus Huv Rau Ib Puag Ncig Hauv Lub Nroog tau ntawm (707) 268-2225.
Kuv yuav muab kev paub hais txog Tes Hauj Lwm Muab Kev Pab Youth Fire-setter tau li cas?
Hu rau peb Tus Lwm Thawj Tsav Coj Kev Tua Hluav Taws tau ntawm (707) 441-4000.
Kuv yuav thov kev tso cai hlawv khoom tau li cas?
Hu Rau Qhov Chaw Ua Hauj Lwm Tswj Cheeb Tsam Sib Koom Tes Tuav Tswj Kom Muaj Huab Cua Zoo tau ntawm (707) 443- 3093. Cov chaw ua hauj lwm nyob rau ntawm 707 L Street, Eureka, CA 95501. Hais txog txheej xwm muab hnub hlawv hu rau 1-866-287-6329 or nias ntawm no.
Kuv yuav hu tham tau nrog leej twg hais txog lub taub ntim hmoov tua hluav taws uas siv tsis tau lawm?
Txhawm rau muab kev saib xyuas koj lub taub ntim hmoov tua hluav taws koj tuaj yeem hu tau rau Qhov Chaw Ua Hauj Lwm Saib Xyuas Taub Ntim Hmoov Tua Hluav Taws EurekaHumboldt tau ntawm 707-822-2517 los sis Eureka Oxygen tau ntawm 707-443-2228. Koj tuaj yeem yuav lub taub rau hmoov tua hluav taws tshiab tau hauv txhua lub khw muag khoom cuab yeej hardware.
Kuv yuav hu rau leej twg yog kuv muaj teeb meem txog ntab?
Humboldt Bay Fire yuav tsis tshem ntab tshwj tias yuav muaj kev phom sij tam sim ntawv rau ib tug neeg. Yog qhov xwm txheej tshwm sim muaj ntawv, cov neeg ua hauj lwm pab tua hluav taws yuav tau tshem cov ntab thiab cov nas ntab tawm, hu rau qhov chaw ua hauj lwm Swarm Dispatch tau ntawm 707- 599-7973, los sis nkag mus saib humboldtbeekeepers.org txhawm rau muab kev pab ntxiv.
Kuv yuav hu nrhiav hnab tsaj ntim xuab zeb ntawm leej twg tau?
Tuaj yeem yuav tau hnab ntim xuab zeb ntawm cov Khw Muag Khoom Pub Tsiaj Txhu los sis Cov Khw Muag Khoom Cuab Yeej Hardware.
Vim li cas thiaj muaj ntau lub tsheb tuaj tswj hwm cov txheej xwm?
HBF cov chaw saib hauj lwm yuav tawm mus thauj neeg raws li tau txais kev qhia paub los ntawm tus neeg txais xov tooj 9-1-1. Yuav npaj kom muaj Humboldt Bay Fire cov neeg pab tua hluav taws los mus tswj cov raug mob nyhav tshaj plaws uas tuaj yeem txhwm sim tau txhua sij hawm. Lawv pab tau nrawm thiab muaj kev paub zoo heev rau lawv tes hauj lwm tswj hwm.
Lub koos pis tawj yuav xaiv qhov chaw ua hauj lwm uas ze tshaj plaws los mus saib xyuas qhov txheej xwm. Qhov chaw saib xyuas hauj lwm lub tswv yim pab yog kev yuav ua kom peb cov neeg pab tua hluav taws tawm tau mus ntawm qhov chaw ntawv ceev npaum li ceev tau.
Tej zaum yuav muaj txog peb lub tsheb hauv qhov chaw saib xyuas hauj lwm los mus pab qhov teeb meem uas tau tshwm sim uas yog qhov txheej xwm "yooj yim". Txhawm li cas los xij, nyob rau hauv cov kev pab cuam peb tau kawm paub tias yog peb npav ua qee yam uas "yooj yim," peb tuaj yeem yuav ua yuam kev loj tau. Dhau qhov ntawv lawm peb yuav muab kev tswj hwm kom ceev npaum peb npaj tau los mus tswj hais daws qhov teeb meem loj tshaj plaws.
Tej zaum cov tshuab tua hluav taws uas muaj cov qhov muag teeb thiab cov tso suab nrov qhia txhij yuav hla teeb liab ntawm tej kev tshuam tau thiab dhau ntawv lawm, tom qab uas lawv mus dhau lawm, lawv yuav tua lawv cov qhov muag teeb thiab mam mam mus, vim li cas zoo li ntawv?
Tej zaum nyuav muaj ntau lub chaw ua hauj lwm mus rau tib qho qho txheej xwm. Tej zaum thauj lub chaw hauj lwm yuav tuaj txog qhov chaw muaj teeb meem ua ntej, taug xyuas qhov txheej xwm thiab qhia rau tus neeg thauj xa tias qhov txheej xwm tau txais kev saib xyuas lawm. Tag nrho lwm lub chaw ua hauj lwm tswj hwm yuav tsis tuaj lawm thiab yuav rov mus muab lwm yam kev pab cuam, npaj txais lwm tsab xov tooj.
Yuav luag txhua zaum, thaum koj pom muaj tsheb tswj kev muaj txheej xwm ceev mus rau "Code 3" (taws teeb thiab tso suab) hla kev tshuam thiab maj mam tua cov teeb qhia muaj xwm txheej ceev, lawv tau tau txais xov tooj kom tsum raws tus xov tooj uas lawv tau mus raws.
Vim li cas kev thiaj pom cov neeg pab tua hluav taws tho qhov saum ru tsev thaum kub nyhiab?
Qhov no hu ua "kev tso pa tawm saum ru tsev". Muaj ntau yam laj thawj rau qhov kev khiav hauj lwm no. Vim muaj cov pa tsim kev phom sij thiab pa taws nyob rau hauv lub tsev ua sam sim kub nyhiab. Tsis zoo li cov hluav taws siv rau hauv yeeb yaj kiab, nws yuav ua rau cov neeg tua hluav taws ntsia tsis pom kev. Qhov yuav tau tho qhov saum ru tsev vim lub tsev yuav "dim pa tau," rau cov pa taws thiab cov pa tawm tau vim yuav ua rau muaj kev kub thiab pa taws ntau tuaj. Nws yuav ua rau kom cov neeg tua hluav taws pom tau yooj yim tuaj nyob rau hauv lub tsev. Nws kuj tseem txo tau kev yuav ua kom muaj pa hluav taws kub thiab nplaim taws, thiab txhawb tau kom muaj kev pab kom tau cov neeg uas daig rau sab hauv tsev dim tau ntau los ntawm qhov txheej xwm nyob rau sab hauv nrog tsev. Tsis tag li, hluav taws tuaj yeem kis mus rau tej kem hauv qab ru tsev ntawm lub tsev tab tom kub nyhiab. Kev kub thiab pa taws yuav muaj ceem tuaj mus rau qab ru tsev uas yuav ua rau hluav taws kub ceev. Cov neeg tua hluav taws yuav tua cov hluav taws saum ru tsev ua ntej, tho qhov kom nkag tau mus rau kem qab ru tsev, thiab cheem tau hluav taws los ntawm kev kis mus rau kem qab ru tsev.
Vim li cas koj thiaj kaw thaiv cov kem kev mus los thaum muaj txheej xwm?
Kev kaw thaiv cov kem kev mus los ntxiv yuav ua rau peb cov neeg ua hauj lwm thiab cov neeg raug mob nyab xeeb thaum muaj teeb meem rau hauv kev ua kom tiv thaiv tau tsis pub muaj kev khiav tsheb mus los ze heev dhau.
Vim li cas kuv thiaj tsav tsheb tsuj hla tsis tau txoj raj roj hmab tsuag dej tua hluav taws?
Koj tsis tuaj yeem tsav tsheb tsuj hla txoj raj roj hmab tsuag dej tua hluav taws vim txoj roj hmab yuav puas thiab dej yuav tawm tsis tau rau tus neeg tua hluav taws siv tau dej tua hluav taws, tej zaum yuav ua rau muaj kev raug mob los sis tuag tau. Txoj raj roj hmab tsuag dej tua hluav taws yog txoj tseem ceeb rau tus neeg tua hluav taws thaum lawv sam sim tua hluav taws.
Vim li cas muaj qee zaum kuv pheej pom Cov Neeg Tua Hluav Taws thiab Cov Tsheb Tua Hluav Taws nyob tom tej khw muag khoom noj thaum tua hluav taws?
Koj lub Humboldt Bay Cov Neeg Tua Hluav Taws ua hauj lwm yam tsawg 48 teev yam tsis so rau txoj hauj lwm nyob rau ib lub sij hawm twg, thiab yuav tsum muaj khoom noj rau lawv tus kheej. Muaj qee zaus, cov pab pawg neeg ua hauj lwm yuav los koom noj hmo ua ke, thiab yuav mus rau tom khw nyob rau sij hawm tham xov tooj los sis lwm cov dej num los nrhiav lawv cov khoom noj uas lawv xav tau kom lawv pab pawg tau noj. Yog koj pom peb tom khw, txhob xav dab tsi los hais nyob zoo rau peb!
Vim li cas tej zaum kuv tseem pom Cov Neeg Tua Hluav Taws nyob rau hauv tsev gym thaum ua hauj lwm?
Kev ua kom zoo rau lub cev yog ib feem uas muaj kev tseem ceeb rau peb cov tswv cuab hauv pab pawg neeg ua hauj lwm txoj kev npaj txhij los tswj tuav cov xov tooj hu thov pab kev muaj xwm txheej ceev. Cov neeg tua hluav taws muaj sij hawm ib teev rau kev nyom ib ce thaum ua hauj lwm, yog li tej zaum koj thiaj pom lawv nyob rau hauv tej tsev gym los sis pas da dej hauv zej zos.
Kuv yuav teem caij kev tshuaj xyuas Tog Tsheb Zaum tau li cas?
Ib tug kws tshuaj xyuas uas tau txais ntaub ntawv tso cai mam teem caij rau kev tshuaj xyuas tog tsheb zaum, hu rau peb lub chaw ua hauj lwm loj tau ntawm 707-441-4000. Peb Ib Tug Neeg Pab Khiav Hauj Lwm yuav pab koj teem caij sib ntsib nrog rau ib tug kws ua hauj lwm uas tseem ua hauj lwm. Thov paub tias, sij hawm muaj rau kev tshuaj xyuas tog tsheb zaum yuav ua tau raws li pab pawg ua hauj lwm lub sij hawm muaj thaum ua hauj lwm thiab yuav muaj kev hloov yeeb vim muaj xov tooj hu tuaj thov pab kev muaj xwm txheej ceev.
Kuv yuav tshaj qhia tej nroj thiab khoom pov tseg uas kuv hnov tau tias yuav ua rau muaj hluav taws kub tau li cas?
Xa ib daim Ntawv Thov Tshem Nroj Kom Muaj Tsawg, nrhiav tau ntawm no.
Cov ntug dej twg uas kuv tau txais kev tso cai rauv taws los sis hlawv khoom rau?
Big Lagoon County Park Beach nyob rau hauv Trinidad, California (30 inches qhov tuab los sis nyias dua kom nyob deb li 100 feet nrug ntawm ntug dej hiav txwv thiab kom nyob deb tej nroj/pov txwv roob xuab zeb thiab lwm cov khoom uas kis taws tau zoo.)
Clam Beach County Park nyob hauv McKinleyville, California
Mad River Beach County Park nyob hauv Arcata, California
Hom kev rauv taws twg uas tsis tag thov kev tso cai kev hlawv?
Rauv taws ua noj, rauv taws nte, los sis rauv taws ua kev cai.
Kuv yuav txais kev tshaj qhia txheej xwm tau i cas?
Hu rau 707-441-4000 los sis sau email rau info@hbfire.org. Thov npaj kom txhij qhia hnub, sij hawm, thiab qhov chaw muaj txheej xwm, thiab/los sis muab kev qhia paub kom ntau npaum ua tau.
Kuv puas yuav tau txais kev sau nyiaj rau qhov chaw saib xyuas hauj lwm pab tua hluav taws qhov kev pab?
Feem ntau lawm, peb yuav tsis sau nyiaj rau kev pab cuam kev muaj txheej xwm ceev. *Muaj ntau qhov kev zam. Yog koj muaj lus nug tshwj xeeb dab tsi hais txog tus nqi them kev pab cuam, thov hu rau los sis sau email rau peb tau ntawm 707-441-4000 los sis info@hbfire.org.
Vim li cas ho muaj peb leeg nyob rau hauv lub tsheb tua hluav taws?
Muaj 1 Tug Neeg Tsav, 1 Tug Neeg Tawm Qauv Hauj Lwm, thiab 1 Tug Neeg Tua Hluav Taws nyob rau peb txhua lub cuab yeej. Txhua txoj hauj lwm ntawm cov tes hauj lwm no yuav tuav kev khiav hauj lwm thiab tes hauj lwm tshwj xeeb hais txog kev kho mob los sis tua hluav taws hauv av thiab ua kom peb pab tau peb lub zej zos kom muaj feem ua mus tau deb tshaj paws.
Vim li cas qhov chaw saib xyuas hauj lwm pab tua hluav taws thiab lub tsheb thauj neeg mob mus muab kev pab kho mob?
Vim qhov chaw ntawm peb cov chaw khiav hauj lwm nyob rau ib ncig hauv peb thaj tsam chaws uas saib xyuas txog, nws yuav pab tau qhov teeb meem uas kom HBF mus daws tau ceev dua tsheb mus thauj. Tag nrho peb cov neeg ua hauj lwm yog EMTs los sis Cov Neeg Pab Kho Mob, uas tau txais kev cob qhia los muab Chav Kho Neeg Mob Nyhav rau koj. Kev siv peb cov neeg ua hauj lwm nrog rau cov neeg thauj neeg mob, ua rau peb ntseeg tau tias muaj neeg txaus tswj qhov teeb meem los hais daws tsis hais yuav yog yam kev muaj xwm txheej ceev dab tsi, suav nrog rau kev ua rau plawv nres thiab lwm yam kev muaj xwm txheej ceev uas yuav tau siv neeg coob los ua hauj lwm pab thawb laub pab txoj sia.
Kuv yuav ua li cas yog kuv pom taws teeb los sis hnov suab tso nrov los ntawm lub tsheb tua hluav taws uas sam sim lawv kuv qab?
Zam mus rau sab xis hauv txoj kev thaum muaj kev nyab xeeb yuav zam tau.
Puas muaj lus nug uas tsis tau txais lus teb? Xa nws hauv qab no.
XA